保食屋 ‘ 日式風味重的平民美食店

DSC_2200

保食屋,一聽個名就知道係一間要「保」障「食」物質素既餐廳黎啦!坐落於深水埗鬧市,地理位置十分方便,同埋睇個門面就已經知道係一間頗有日本特色的平民食店,所以小編決定黎試試佢究竟有幾「保食」法!

DSC_2191

入到餐廳小編認為雖然不大,但勝在位置闊落而且夠簡約,可以俾到客人一種舒適的用餐感覺。

DSC_2195

原燒蒲燒鰻魚飯(重點推介)|$88

呢個鰻魚飯可以話係保食屋既生招牌!採用左日本既原條鰻魚,誇張到長過小編隻手掌,完完全全將個飯覆蓋住!同埋小編可以拍心口保證味道上真係冇得輸,鰻魚食落口飽滿而不「流」,加埋個飯一齊食真係超級滋味very good,以$88蚊黎講係超級性價比高。

DSC_2200

鰻魚炒飯(推介)$62

點先叫好食既炒飯?小編認為除左要用冷飯炒之外就係要啲飯粒粒分明,而且仲要有口感唔可以「林滋滋」。

保食屋呢個鰻魚炒飯除左啲飯粒粒分明超有口感之外,仲有加左特製既日式醬汁落去一齊炒,加埋一粒粒既鰻魚一齊食真係好味到不得了!小編採訪既時候其實好飽,但食完第一啖之後就二話不說地清哂成碟飯,就可以知道個飯係有幾出色。

DSC_2206

下午茶限定 – 雪見蜂蜜厚多士|$38

從外觀睇同一般既西多冇太大分別,但其實係內有乾坤架!

外皮整得脆得黎又唔會失去左軟綿綿既麵包口感,加埋蜂蜜係面其實已經比普通既西多特別。切開之後小編先發覺入面原來仲有紅豆、忌廉同埋大大舊半溶既雪米滋!係雪米滋呀!蜂蜜西多加埋雪米滋係估唔到會咁夾咁好食,不過大家記住要趁西多熱既時候盡快食啦!因為小編認為一熱一凍個個口感先係最正的。

DSC_2215
大家記得趁熱食呀!
DSC_2223
雪米滋配蜂蜜西多的確冇得彈!

晚市推介 – 金菇肥牛煲|$48

小編見朋友係酒樓食飯都好中意叫呢味菜,而家係保食屋都有得食啦!除左味道非常好之外,小編可以講呢個金菇肥牛煲係非常足料,就算兩個人share黎食都絕對夠食!

DSC_2227

下午茶限定 -胡麻中華冷麵|$35

夏天熱辣辣,一定要食返啲涼啲既野黎消暑啦!呢個涼面入面有蕃茄、蛋、青瓜、火腿等等既材料,淨係擺出黎都感覺到透心涼,再加埋日式既芝麻醬撈渾一齊食,食落酸酸味味超級開胃!

DSC_2237 DSC_2241

Logo 1

《 保食屋 》

地址:深水埗荔枝角道390號地下C號舖(深水埗警署對面)

電話:2638 0656

營業時間:星期一至日 12:00 – 22:00