秘 · 真 · 惹味板燒牛店

DSC_2140

最近荃灣新開左一間叫「秘」主打食牛既日式餐廳,開業冇耐已經吸引左大批既食客前往朝聖,搞到小編都好想試試佢究竟有幾好食幾吸引呀!

DSC_2111

一見到店既外一觀其實都已經非常吸精,一入到店入面就即刻感受到秘係有用心裝修過,全木紋既設計簡單得黎又不失高貴既感覺,有一種踏實又有氣派feel,真係入到去都想坐多陣。

DSC_2117

秘 · 扑葉味噌牛肉|$98

中意食味噌既朋友一定唔可以錯過呢道扑葉味噌牛肉!師傅話呢道菜係北海道既名菜,採用左牛小排,而且呢款味噌係師傅特登為配合香港人口味而炮製的(由五中味噌中和出黎),係少有係香港可以食到既日式風格菜。

比較特別既係師傅用左極少見既扑葉黎做底盤,上菜之後侍應就會幫忙點火,係葉上面幫手煮混牛肉同特製味噌。味道上牛小排真係好特別,係一啲都唔似平時食開既牛肉種類,食落富有質感外仲好嫩口,夾埋特製味噌一齊食仲襯到絕添呀!

DSC_2125

板燒吉列牛|$98

秘主打食牛,所以都非常著重牛本身既質素。秘全部既牛類都係採用CAB認證既安格斯牛肉,質素有所保證。

吉列豬扒就食得多,食吉列牛真係第一次。呢個吉列牛唔會好似吉列豬咁干爭爭,係石燒板到燒完食落口仲食到牛肉既鮮味同肉汁,又有吉列脆脆既口感,中意食牛既朋友仔又點可以錯過呀!

DSC_2140

秘 · 燒黑松露吉列牛|$148

小編認為呢個係秘既最強招牌菜!因為真係太好食啦!師傅會先將黑松露同麵包糠打碎,然後先會上落安格斯牛到,都非常考功夫架。因為有黑松露所以令牛的味道更出更入味,而且有麵包糠更豐富左牛既口感,食落份外香口,冇得彈呀!順帶一提除左牛之外,其實呢道仲有個櫻花金魚湯係相當特別。外型睇落真係十足金魚咁,夠哂噱頭!而且入面仲好足料添架,有墨魚、櫻花蝦等等,夾埋個湯清清地咁飲的確唔錯,值得一試!

DSC_2159

DSC_2162
燒之前記住用呢個油脂肪粒搽滿個石燒板呀!
DSC_2167
小編提提大家記住燒到六七成咁熟就very good架啦!

浦燒原條鰻魚飯|$78

其實以呢條浦燒饅魚既份量同味道黎講,的確係超級性價比高。饅魚又肥又厚身,仲長過小編隻手,都咪話唔誇張。同埋汁燒既鰻魚表面燒至微微焦香脆身,超級惹味,當然送埋飯都係一流啦!

DSC_2180

WhatsApp Image 2017-06-15 at 12.28.50 PM

《 秘Secret Chefs 》

地址:荃灣享成街22號地舖

電話:2350 9177

營業時間:12:00 – 14:30|18:00 – 21:30