名館|新派獨特中菜

DSC_2295

中菜近年既吸引力明顯冇其他菜式(日式、意式、美式)既吸引力來得大,但位於中環既「名館」就大搞新派中菜,希望為中菜重鎮雄風,挽回其獨特的魅力,拯救中菜係飲食界面臨被遺棄既困境。

DSC_2268

一入到店入面就感覺到名館係走新派中菜既設計風格,除左保留住一點中式餐廳既環境風格之外,仲帶有新派時尚既氣氛,而且環境仲非常大,夠哂舒服。

DSC_2263

沸騰水煮魚|$280

呢個湯底係名館特登揾四川師傅學師,然後再用18種調味料淆製而成;另外為左配合香港人對麻辣既接受程度,湯底都有再加以改良到冇咁辣之餘,又保留到最原本既麻辣味。水煮魚既魚係用左龍脷,而鍋入面仲有粉條、鴨血、午餐肉、紅薯粉同蔬菜,都咪話唔足料!

小編本身食唔到太辣,但係食落呢個水煮魚又唔覺得太辣,反而感覺到應有既麻辣之餘,仲令水煮魚更加入味,加埋其他配菜一齊食,認真滋味。

DSC_2282

宮廷點心盤|$188

你以為淨係高級西餐廳同酒店先可以食到英式下午茶咩?名館呢個宮廷點心盤可以話係以西式既風格,演繹出黎既中菜。

外型就咁睇已經非常靚,同埋呢個點心盤係需要特別訂造添架!配合埋點心既擺設真係充滿住宮廷既感覺。最上面有紫薯既天鵝騷,下層仲有朱古力同芒果mousse、雲耳、肴肉同寶塔菜等等,小編最中意既就係用咸水角皮同西米面整既老鼠仔點心,外面甜再配合埋雞肉花生既咸,味道上非常特別!全部點心除左做型特別之餘,其實仲非常花功夫,所以大家食之前都不防影相打左卡先呀!

DSC_2295

麻雀十三幺|$128

大家見到呢富十三幺係咪當堂好想打返幾圈咁呢!唔好話你地,連小編見到都覺得好得意,即刻同佢selfie返幾張靚相添。

麻雀其實係椰汁糕,黃色既部份係桂花啫喱底,食落唔係太甜,但椰汁糕同桂花啫喱既味道非常夾,睇得又食得!岩哂中意打麻雀既朋友仔。同埋大家應該好好奇個兩張銀紙究竟係食唔食得既,答案係食得架!其實佢地係米紙做架,雖然食落冇乜味,但同樣係食得落肚架,同埋擺呢兩張銀紙係到的確令成個十三幺生色不少。

DSC_2305
打返四圈先啦!

檸檬二鍋頭|$58壼

由於中式既酒度數同濃度都較一般既酒高,所以會比較少人飲啲。但名館既二鍋頭就換左另外一個方式黎到演繹,二鍋頭用左檸檬加工釀製左3日,令其酒精濃度降至40多度,味道酸酸甜甜之餘又唔會太重酒味,比較易入口,再用中式傳統既鼎杯裝著,令整個二鍋頭更富有傳統既中國特色。

DSC_2310

名館自家製豆漿|$18

淨係用個燈泡黎裝豆漿已經夠哂噱頭,同埋豆漿係名館自家磨製添架,大家去名館食飯記住都要嗌返杯試下啦!

DSC_2327

18486223_1475877199124786_6306216535196763288_n

《 名館

地址:中環擺花街1-7號1號廣場1樓

電話:2180 0768

營業時間:星期一至日 11 : 30 – 23 : 00